OMMAVIY OFERTA

Sotuvchi: Yakka tartibdagi tadbirkor HAMDAMOV A. H., JShShIR 30207800231286, ro‘yxat raqami 6835939, manzili: 100097, Toshkent shahri, Chilonzor tumani, S mavzesi, Mehr ko‘chasi, 49-uy.
Bank ma’lumotlari: Bank: ATB “Ipak Yo‘li”, MFO: 01081, Hisob raqami: 20218000207222828002, KOD: 07222828.
Telefon: +998 77 708 0660, E-mail: kintechuz@gmail.com

1. Huquqiy asos va ta’riflar

1.1. Ushbu Oferta — Sotuvchining internet orqali ommaviy ravishda tovar sotish bo‘yicha taklifi.
1.2. Norma asos: O‘zbekiston Respublikasi Fuqarolik kodeksi, “Elektron tijorat to‘g‘risida”gi Qonun, “Iste’molchilarning huquqlarini himoya qilish to‘g‘risida”gi Qonun, “Shaxsiy ma’lumotlar to‘g‘risida”gi Qonun.
1.3. “Aksept” — xaridorning Oferta shartlarini qabul qilishi, masalan, sayt orqali buyurtma berish orqali.
1.4. “Sayt” — Sotuvchining internet manzili (domen) orqali faoliyat yuritadigan onlayn-do‘kon.
1.5. “Buyurtma” — Xaridor sayt orqali tanlagan tovarlarni ko‘rsatilgan miqdorda va narxda sotib olish istagi.

2. Oferta qilish va aksept

2.1. Ushbu Oferta jamoat taklifi (ommaviy) bo‘lib, cheksiz shaxslar doirasiga qaratilgan.
2.2. Xaridor saytga kirib, tovar tanlagan va buyurtma tugmasini bosganida Oferta aksept qilingan hisoblanadi, va shartnoma tuzilgan bo‘ladi.
2.3. Aksept natijasida shartnoma kuchga kiradi.
2.4. Sotuvchi huquqiga ega — Oferta shartlarini istalgan vaqtda o‘zgartirish; yangilangan matn Saytda joylashtiriladi va joylashtirilgan paytdan kuchga kiradi.

3. Tovar va ma’lumotlar

3.1. Har bir tovarning to‘liq tavsifi, narxi, xususiyatlari, kafolat muddati, ishlab chiqaruvchi va boshqa muhim ma’lumotlar Saytda e’lon qilinadi.
3.2. Tovar rasmi ekranda ko‘rsatilgani bilan real holatda biroz farq qilishi mumkin (rang, yorug‘lik, monitorga bog‘liq).
3.3. Sotuvchi ma’lumotlarni yangilashga majburdir va noto‘g‘ri ma’lumotni aniqlagan paytda tuzatadi.

4. Narx va to‘lovlar

4.1. Tovarlarning narxi Saytda ko‘rsatilgan UZS miqdorida bo‘ladi.
4.2. Sotuvchi narxni o‘zgartirish huquqiga ega, ammo bu o‘zgarish ilgari buyurtma qilingan mahsulotlarga taalluqli emas.
4.3. To‘lov usullari:

• Payme yoki Click (UZCARD, HUMO kartalari) — oldindan, onlayn. Mahsulotni olganda naqd pul bilan to‘lov qabul qilinmaydi.

4.4. To‘lov amalga oshirilganda shartnoma qabul qilingan hisoblanadi.

5. Yetkazib berish va topshirish

5.1. Yetkazib berish usullari: kur’er xizmati, pochta, punkt orqali olish.
5.2. Yetkazib berish muddati buyurtma tasdiqlanishidan boshlab 1–3 ish kuni.
5.3. Tovar Xaridorga topshirilganda, mulk huquqi Xaridor tomoniga o‘tadi.
5.4. Agar manzil noto‘g‘ri ko‘rsatilsa yoki Xaridor tovarni olmasa, yetkazib berish xarajatlari Xaridor zimmasida bo‘ladi.

6. Kafolat va qaytarish

6.1. Tovarlarga ishlab chiqarish nuqsoni bo‘yicha 6 oylik kafolat beriladi; kafolat kintech.uz/kafolat sahifasida faollashtiriladi.
6.2. Sifatli (nuqsonsiz) sotilgan tovar qaytarib olinmaydi va almashtirilmaydi: quloqchinlar shaxsiy gigiyena buyumlari, quvvatlagich va kabellar kafolat muddati belgilangan texnik tovarlar hisoblanadi (Vazirlar Mahkamasining 13.02.2003-yildagi 75-son qarori bilan tasdiqlangan ro‘yxat).
6.3. Quyidagi hollarda tovar almashtiriladi yoki to‘langan summa qaytariladi: tovarda ishlab chiqarish nuqsoni aniqlansa (kafolat bo‘yicha); tovar buyurtmaga mos kelmasa (boshqa model yoki rang); tovar yetkazishda shikastlangan bo‘lsa.
6.4. Pul qaytarilganda mablag‘ 3–7 ish kuni ichida Xaridor to‘lov qilgan tizim orqali qaytariladi.
6.5. Buyurtma yetkazilmasa — to‘langan summa 100% qaytariladi. Yetkazilmagan deb hisoblanadi: buyurtma jo‘natilmasdan bekor qilinsa (tovar tugagan yoki Sotuvchi bekor qilgan); pochta jo‘natmani yo‘qotsa; pochta jo‘natmani 30 kun ichida yetkazmasa. Bunda yetkazish haqi ham qaytariladi; mablag‘ 3 ish kuni ichida Xaridor to‘lov qilgan tizim (Payme yoki Click) orqali qaytariladi.

7. Shaxsiy ma’lumotlar

7.1. Xaridor tomonidan berilgan ma’lumotlar faqat buyurtma bajarish maqsadida ishlatiladi.
7.2. Sotuvchi ma’lumotlarni uchinchi shaxsga bermaydi, bundan qonun talabi bo‘lgan hollarda istisno.
7.3. Shaxsiy ma’lumotlar “Shaxsiy ma’lumotlar to‘g‘risida”gi Qonun bo‘yicha himoyalanadi.

8. Javobgarlik

8.1. Tomonlar O‘zbekiston Respublikasining amaldagi qonunlariga muvofiq majburiyatlarini bajarmaganlik uchun javobgardir.
8.2. Fors-major hodisalari (tabiiy ofatlar, urush, intеrnet uzilishi va h.k.) yuz berganda, tomonlar majburiyatlardan ozod qilinadi.

9. Nizolarni hal qilish

9.1. Nizolar avvalo kelishuv yo‘li bilan hal qilinadi.
9.2. Agar kelishuvga erishilmasa, nizo Toshkent shahar sudlarida O‘zbekiston qonunlari bo‘yicha hal etiladi.

10. Yakuniy qoidalar

10.1. Ushbu Oferta O‘zbekiston Respublikasi Fuqarolik kodeksining 367–370-moddalariga muvofiq ommaviy oferta hisoblanadi.
10.2. Xaridor tomonidan buyurtma berish — Oferta shartlarini to‘liq qabul qilish (aksept) hisoblanadi.
10.3. Oferta muddatsiz amal qiladi, lekin Sotuvchi tomonidan yangilanishi mumkin.
10.4. Yangilangan tahrir saytga joylashtirilgan paytdan kuchga kiradi.